Dies Woch fiere mir dä Fasteleer,
doch dat Evangelium is nit grad löstig, sondern schwer.
Jesus sprich dovun, wat jood is un wat schlääch
un gitt uns ald harte Worte mit op dä Wäg.
Hä säht, dat dat Schläächte oft fröher aanfängk,
als mer et selber esu denk.
Un räht uns, uns ganz vum Böse ze distanziere
un och nit ei klei bissche mit im ze paktiere.
Wenn mer in de Welt luurt, dann kann mer leich sinn,
wenn dat Böse eimol Maach hät, wo kumme mir do hin.
Doch ald vür 2000 Johr schriev dä Paulus noh Korinth,
dat de Huhe in der Welt nit för immer mächtig sin.
Sondern dat Gott am Engk de Welt regiert
und dä Hellige Geis uns zum Joode führt.
Dröm loot uns met Jesus noh dem Joode söke,
su kann hä Leech un Hoffnung in uns aanstöcke.
Mir bruche Gottes Hilfe hee op Ääde,
doch künne mir och selver vill bewäge.
Wo Minsche nit nur sich selver sinn,
da jonn se ene große Schritt zum Joode hin.
Uns Freud wolle mir an andere wigger gevve,
so dat mir all jood zesamme levve.
Im Fastelovend klappt dat op alle Fälle,
So rofe mir: Alaaf, mer dun et für Kölle!
Maria Schwarz,
Pastoralreferentin